Kagahapon, Hunyo 2, ang Philippine Drug Enforcement Agency (PDEA) 7 wala pa makadawat sa kopya sa desisyon sa sa korte nga nag-dismiss sa kaso nga gipasaka sa ahensiya niadtong 2016 batok sa pito ka mga konsehal sa Barangay Ermita nga giingong nibalibad sa imbitasiyon sa pag-uban sa usa ka anti illegal drug operation sa Unit 2 sa Carbon Market kaniadto.Apan ang pito ka mga opisyal sa barangay nagmalipayon na sa hukom ni Presiding Judge Irish Inabangan Amores sa Branch 14, Municipal Trial Court in Cities sa Siyudad sa Sugbo nga “not guilty” ang hukom pabor sa mga akusado sa kasong kriminal nga gipasaka sa PDEA 7 kaniadto.Si Miral, kasamtangang barangay kapitan sa Ermita kinsa konsehal pa niadtong gipasaka ang naasoy nga kaso, nisaysay sa pakighinabi sa Superbalita Cebu nga “kadaugan sa kamatuoran” ang hukom sa korte human sa unom ka tuig nga paghusay sa maong kaso.Samtang, si Leia Alcantara, tigpamaba sa PDEA 7, nagkanayon nga ila pang paaboton nga makabalik si Regional Director Levi Ortiz nga atua pa sa kaulohan atol ning pagsuwat.Kahinumdoman, ang kanhi direktor sa PDEA 7 Yogi Felimon Ruiz maoy nipasaka og kaso nga kalapasan sa Article 233 o refusal of assistance batok sa pito ka mga konsehal sa Ermita tungod sa naasoy nga hinungdan..Sa maong kalamboan, si Miral, uban sa iyang mga kaubang akusado, nipahibalo nga wala na silay plano nga mopasaka og kaso isip balos sa opisyal sa PDEA 7 subay usab sa tambag kanila sa ilang abugado tungod kay segurado nga taas ang proseso nga pagaagian niini.Ang mga konsehal nga sila si Wilbert Flores, Maria Buanghog, Domingo Ando Jr., Aljo Tamundo, Ryan Jay Rosas, ug Antonieto Flores dunay ang klase-klaseng sentimento nga ilang gipadangat ning mantalaan human apil nga nasuspenso og 18 nga gipahamtang sa Office of the Ombudsman Visayas.Taliwala sa maong hagit, sumala sa mga konsehal, nipatigbabaw kanila mao ang paghatag gihapon og serbisyo bisan paman nga wala silay mga suweldo sa dihang sila gisuspenso.Para nila, ang ilang tahas nga gipanumpaan mao ang pagtabang kanunay, maoy nagpabilin ug wala nawala ang ilang kadasig. /