LOS ANGELES – Gipasakaan og kaso si Pastor Apollo Carreon Quiboloy sa pakighilawas sa mga babaye ug menor de edad nga mga babaye nga nag-atubang og mga hulga sa pag-abuso ug “walay katapusan nga silot” gawas kon ilang giatiman ang nangangkon nga “anak sa Diyos,” pahibawo sa federal prosecutors sa Huwebes, Nobiyembre 18. 2021.
Si Quiboloy ug duha sa iyang mga top administrator nalakip sa siyam ka mga tawo nga gihinganlan sa superseding indictment nga gibalik sa federal grand jury sa miaging semana ug gibuksan niadtong Huwebes. Ang sumbong naglakip sa tulo ka Los Angeles-based administrators sa simbahan ni Quiboloy nga gipasakaan og kaso sa miaging tuig. Ang bag-ong sumbong nagngalan usab sa usa ka administrador sa simbahan sa Hawaii.
Si Quiboloy, 71, maoy pangulo sa Kingdom of Jesus Christ church nga natukod niadtong 1985. Ang simbahan nag-angkon nga adunay unom ka milyon nga miyembro sa 200 ka mga nasod. Ang headquarter sa Estados Unidos niini anaa sa lugar sa Van Nuys sa Los Angeles.
Gipaluyohan sa simbahan ang 2016 nga kandidatura ni Presidente Rodrigo Duterte, suod nga higala ni Quiboloy.
Gigamit ni Duterte ang programa sa radyo ug TV sa grupo sa habagatang dakbayan sa Davao aron ipadayag ang iyang mga panglantaw sa mga isyu niadto pang mayor pa siya sa southern port city.
Si Quiboloy nag-angkon nga “gitudlo nga anak sa Dios” ug sa 2019 miangkon nga iyang gipahunong ang usa ka dakong linog sa pag-igo sa habagatang Pilipinas.
Ang superseding indictment naglangkob sa usa ka gitipon nga mga sumbong, lakip na ang conspiracy, sex trafficking sa mga bata, sex trafficking pinaagi sa pamugos, fraud and coercion, marriage fraud, money laundering, cash smuggling ug visa fraud.
Gituohan nga naa sa Pilipinas si Quiboloy.
Ang mga email nga nangayo og komento gikan ni Israelito Torreon, ang abogado sa simbahan dinhi nasod, wala bawsi.
Ang kaso namasangil kang Quiboloy ug sa uban pa nga nang-recruit og mga babaye ug batang babaye, kasagaran 12 ngadto sa 25 anyos, isip mga “pastoral” nga nagluto sa iyang mga pagkaon, nanglimpyo sa iyang mga balay, mimasahe kaniya ug mibiyahe uban niya sa tibuok kalibotan. Dunay pipila nga iyang gika-sex sa gitakdang “night duty,” lakip ang pipila ka mga menor de edad sama sa usa ka 15-anyos nga batang babaye, sumala sa sumbong.
Gipugos sila sa “night duty” ubos sa “hulga sa pisikal ug verbal nga pag-abuso ug walay katapusan nga silot,” sumala sa sumbong.
Si Quiboloy ug ang uban giakusahan usab nga nagdala sa mga miyembro sa simbahan sa US nga gikuha pinaagi sa pagpanglimbong sa mga visa sa estudyante o mga sham marriage aron mangayo og mga donasyon alang sa charity sa simbahan, nga nakabase sa suburb sa Los Angeles sa Glendale. (AP)